Cúrsaí Airgeadais Chomhaltas na Mac Léinn

Ryan McGinty Limited, Cuntasóirí Cairte Deimhnithe agus Iniúchóirí Cláraithe, Carraig na Teamhrach 7, Páirc Teicneolaíochta na Gaillimhe, an Pháirc Mhór, Gaillimh

Aturnaetha Hammond Gold, Seomraí Dlí HG, Sráid Thomáis Dáibhis, Mala, Co. Chorcaí

Banc na hÉireann, Ollscoil na Gaillimhe

Íocann gach mac léinn in Ollscoil na Gaillimhe tobhach mic léinn sa bhreis ar an ranníocaíocht mic léinn €3,000. Tugadh an tobhach isteach den chéad uair in 1997 agus méadaíodh é roinnt uaireanta ó shin le seirbhísí riachtanacha do mhic léinn a mhaoiniú. Is é €140.00 an tobhach faoi láthair agus déantar é a dháileadh mar seo a leanas: €40.00                         Comhaltas na Mac Léinn €25.00                         Cumainn €25.00                         Clubanna €14.00                         Piarfhoghlaim CÉIM €3.00                           Cothabháil ar Áras na Mac Léinn €22.00                         Aonad Sláinte na Mac Léinn €6.00                           Raidió Campais FlirtFM €5.00                           Coiste Tograí na Mac Léinn   Is go díreach ón tobhach mic léinn a fhaigheann Comhaltas na Mac Léinn thart ar €650,000. Bailíonn Comhaltas na Mac Léinn tobhach €14 CÉIM (228,000) freisin le clár CÉIM a bhainistiú.

Tá cuideachta ag Comhaltas na Mac Léinn a bhainistíonn cuid de na seirbhísí a chuireann an Comhaltas ar fáil, amhail Sult, Siopa an Chomhaltais agus Caifé Smokey. Úsáidtear cuid den bhrabús a dhéanann na seirbhísí sin le gníomhaíochtaí ionadaíochta Chomhaltas na Mac Léinn a mhaoiniú. Coinníonn an chuideachta an chuid eile den bhrabús le seirbhísí a fhorbairt ar an gcampas. Chomh maith leis an sciar brabúis, déanann Sult ranníocaíocht bhliantúil €30,000 le Comhaltas na Mac Léinn, beag beann ar cibé acu a dhéanann sé brabús nó nach ndéanann. Is coinníoll é sin den chomhaontú ceadúnais atá ann idir an Ollscoil agus Sult.

Chomh maith leis na seirbhísí a oibríonn Students’ Union Commercial Services Ltd, gineann Comhaltas na Mac Léinn roinnt ioncaim freisin ó Thaisceadáin, ó Shiopa Leabhar Athláimhe, ó Chártaí Leap do Mhic Léinn agus ó Bhreisithe do Chártaí Leap. Ní ghineann na seirbhísí sin ach méid réasúnta beag airgid. Leagtha amach thíos tá na foinsí agus na modhanna íocaíochta a bhaineann le gach cineál ioncaim.   TABLE TO GO HERE

Formhór na n‑idirbheart a bhaineann le seirbhísí Chomhaltas na Mac Léinn, déantar ar líne le cárta dochair/creidmheasa iad. Ní ghlactar le hairgead tirim ach le híoc as leabhair agus breisithe cárta Leap, ach bíonn níos lú agus níos lú airgid thirim ag teacht isteach bliain i ndiaidh bliana. Taifeadtar ioncam airgid thirim ar scipéad airgid san fháiltiú agus taifeadtar sonraí faoin ioncam airgid thirim agus faoin ioncam cárta sna bileoga laethúla airgid, in éineacht le hasléamh laethúil ón scipéad airgid. Stóráiltear airgead tirim i dtaisceadán in Oifig an Chomhaltais go dtí gur féidir é a chur i dtaisce i gCuntas Reatha an Chomhaltais.

• Ní leithdháileann Comhaltas na Mac Léinn buiséid maoinithe dhírigh ar fheachtais/thionscadail. Maoinítear gach feachtas/tionscadal de réir a fhiúntaí atá sé. Le cur isteach ar mhaoiniú, caithfear iarratas gairid a chur chuig an Uachtarán agus spriocanna, gníomhaíochtaí agus costais réamh‑mheasta an fheachtais a bheith leagtha amach ann. Ní bhíonn ach méid teoranta maoinithe ar fáil ag an gComhaltas le tabhairt d’fheachtais/thionscadail, ach spreagtar oifigigh chun feachtais nua a thabhairt isteach sa Chomhaltas, go háirithe cinn a bhaineann lena ról.
• Ní ceadmhach d’oifigigh aon orduithe a dhéanamh thar ceann an Chomhaltais.
• I gcás go bhfuiltear i gceist imeacht a reáchtáil a mbeidh ticéad ag teastáil ina chomhair, díolfar na ticéid ar líne trí Eventbrite. Ní ghlacfar le hairgead tirim.

• Ní mór d’oifigigh an Fhoirm Éilimh Costas a chomhlánú lena gcostais a éileamh. Ba cheart admhálacha, ticéid, srl., a cheangal leis an bhfoirm agus aisíocaíocht á lorg. Má tá sé i gceist an fhoirm a chur isteach go leictreonach, glacfar le cóip scanta d’admhálacha, ticéid, srl.
• Is iondúil nach n‑úsáidtear foirmeacha éilimh costas ach le gnáthchostais taistil agus lóistín a éileamh, amhail taisteal chuig Comhdháil AMLÉ / Cruinnithe de Chomhairle Náisiúnta AMLÉ. Nuair is féidir, cuireann an Bainisteoir Ginearálta lóistín agus iompar in áirithe roimh ré.
• Is trí ríomhaistriú amháin a íocfar costais.

• Is í Rannóg Acmhainní Daonna Students’ Union Commercial Services Ltd a dhéanann plé le párolla an Chomhaltais.
• Bíonn an párolla comhdhéanta d’fhostaithe ar tuarastal den chuid is mó, ach ó am go chéile fostaíonn an Comhaltas oibrithe ócáideacha le bheith ag obair i Seomra Cótaí an Chomhaltais nó ar Dheasc Eolais an Chomhaltais sa Champas Thuaidh. Coinníonn an Bainisteoir Cúnta taifead ar na huaireanta ar fad a oibríonn oibrithe ócáideacha den sórt sin, rud a chuireann sé nó sí isteach chuig Rannóg Acmhainní Daonna SUCS Ltd.
• Cuirtear an párolla seachtainiúil faoi bhráid na gCoimisinéirí Ioncaim agus eisítear duillíní pá do gach fostaí.
• Is tríd an Dochar Díreach a dhéantar na híocaíochtaí míosúla as asbhaintí reachtúla leis na Coimisinéirí Ioncaim.

• Taifeadtar na billí go léir san ord a fhaightear iad.
• Is aidhm leis an gComhaltas billí a íoc go pras.
• Íoctar soláthraithe rialta tríd an Dochar Díreach.
• Ní dhéantar íocaíochtaí ach trí mhodhanna leictreonacha amháin.
• I gcás míreanna neamhrialta, amhail ábhar feachtais, ní mór meastacháin a fháil roimh ré.
• Ní mór don Bhainisteoir Ginearálta gach ordú a cheadú roimh ré.

Ní mór don Bhainisteoir Ginearálta agus don Uachtarán a lámh a chur le gach conradh atá sé i gceist ag na hOifigigh a dhéanamh le comhlachtaí seachtracha nó inmheánacha. Is éard is conradh ann ná comhaontú ar bith i scríbhinn nó ó bhéal a dhéanann Oifigigh a bhfuil gealltanas ann maidir le hacmhainní de chuid an Chomhaltais, i.e. airgead, foireann, oifigigh, spás, moladh nó am. Ní mór d’oifigigh cead a iarraidh i scríbhinn sula ndéanann siad aon chomhaontú a d’fhágfadh an Comhaltas faoi dhliteanas airgeadais nó dlíthiúil. D’áireofaí leis sin comhaontuithe (is cuma cé chomh hócáideach is a bheidís) le comhlachtaí inmheánacha nó seachtracha, ar nós oiliúnóirí le haghaidh cúrsaí nó feachtas.

Cuideachta é NUI Galway Students’ Union Commercial Services Ltd (SUCS Ltd.) a bhainistíonn roinnt seirbhísí de chuid Chomhaltas na Mac Léinn. Is iad seo a leanas na seirbhísí sin:

• Sult
• Siopa Chomhaltas na Mac Léinn
• Caifé Smokey

Tá scair amháin sa chuideachta, agus é i seilbh Bhord Iontaobhaithe Chomhaltas na Mac Léinn, Ollscoil na Gaillimhe.

Is cuideachta é Students’ Union Publications and Promotions Ltd (SUPP Ltd) a bhainistíonn deiseanna promóisin agus roinnt foilseachán de chuid Chomhaltas na Mac Léinn, amhail Nuachtán Sin agus Dialann an Chomhaltais. Níl aon fhostaithe ag an gcuideachta agus bíonn láimhdeachas bliantúil thart ar €50,000 aici. Is ón Tobhach Mic Léinn a thagann thart ar 60% de láimhdeachas na cuideachta (€2 in aghaidh an mhic léinn), a leithdháiltear ar fhoilseacháin an Chomhaltais. Díoltar fógraíocht leis an gcuid eile a ghiniúint. Tá scair amháin sa chuideachta, agus é i seilbh Bhord Iontaobhaithe Chomhaltas na Mac Léinn, Ollscoil na Gaillimhe.

Bunaíodh SCML Teoranta le cúlchiste airgeadais an Chomhaltais a bhainistiú. Níl aon fhostaithe aige. Cuireadh an chuideachta ar bun ar an gcéad dul síos le héascaíocht a dhéanamh ar dheis tráchtála a tugadh don Chomhaltas. Níor tháinig dada as an deis sin, áfach. I mí an Mhárta 2020, rinne SCML Teoranta €200,000 a infheistiú i scéim urrús innéacsnasctha de chuid Bhanc na hÉireann. Tá an chuid eile de chúlchiste an Chomhaltais (thart ar €300,000) á coinneáil i gcuntas bainc na cuideachta. Tá an Comhaltas sa tóir ar dheiseanna oiriúnacha infheistíochta.